- Baillie THOMAS DOUGLAS his Monument. Thomas Duglassius, antiquae & nobilis, Duglassiorum de Cavers, familiae filius, civis & mercator, Edinburgensis; tam familiam qua satus, quam civitatem cui insitus est, haud parum honestavit; vita & moribus, utraque dignus: tempore turbido & difficili, inter varios factionum aestus, nulli implicitus, nec ulli invisus; nec otio torpescens, nec nimis negotiosus; re tamen opima quaesita, honores & munera, in civitate, fugit magis quam ambiit, nec minus meruit: et adeptus, summa justitiae & integritatis Laude, bis consul urbanus, bis etiam suburbanus praetor. Demum vitae longioris, lustra bis septem emensus, omnibus viri pii, & boni civis, officiis, in familiam & necessarios, civitatem & pauperes, perfunctus, placide obiit, nono Augusti, anno sal. hum. MDCLXXXVJ,
Memoriae defuncti, hoc monumentum, debite gratitudinis tesseram, moerentes posuerunt Ricardus Duglassius, Robertus Bennetus, advocati & defuncto consanguinei; & Robertus Blackwood, senior, mercator, haeredes ipsius testamentarii.
|